霆鋒拱手讓出英皇一哥

謝霆鋒近日推出新碟的音樂短片，前晚在圓方舉行首映，有份演出的其父母謝賢、狄波拉，以及陳奕迅、鄭希怡和英皇高層霍汶希（Mani）都有出席，不過霆鋒老婆張栢芝則未有現身，但卻送上模型戰艦給他打氣。主持問霆鋒是否喜歡，他笑說：「咁多人望住點會話唔鍾意。」有傳這張碟是霆鋒在英皇合約中最後一張碟，他沒有正面回應。

懶理基仔加盟近日傳古巨基加盟英皇做一哥，霆鋒只說：「佢入唔入嚟唔關我事，我哋冇分一哥，我又唔係老闆。」至於有否留意基仔去向的報道？他說：「我一向唔睇，無傷大雅，唔覺得需要去諗。」是否已決定離開英皇？霆鋒否認。
至於史可雋因不誠實取用電腦被判監 8個半月，身為受害人栢芝老公的霆鋒沉思數 10秒說：「唔識答呢個問題，冇必要同佢（栢芝）講，我職責係帶畀佢歡樂，唔係唔開心事。」