在某大超級市場的遭遇

首先要陳明一點, 小弟是一個超小氣, 算死草的小朋友,
一元半角 我都會瓜瓜叫的, 如果各位看官認為一千幾十當散紙, 請按上一頁.

幾日前, 我到馬鞍山 新港城 某惠字頭的鋪頭.
因為有兩聲咳, 所以買了一盒 冇糖枇杷膏, 銀色包裝的.
在包裝的外邊沒有一個價錢牌, 而在貨物架上有個牌仔標示 $21.9..
這是我唯一可以得到價錢資料的地方.. 但到比錢時, 竟然變成 $30.x
我本來想同收銀員理論, 不過回心一想, 算了吧..

我連同該貨品及收據, 入返去搵執貨的. 要求佢幫我Check一Check..
佢幫我帶同該貨品及收據入貨倉再幫我睇真d, 她回覆: 噢,唔好意思, 係我地寫錯價錢..
我應該發難嗎?:smile_44:
我沒有,人地執貨都係打份工..而我又真係十分想飲..
只好自認黑仔離開..

但今日,因為又要補給枇杷, 特登返回同一個地方..
望住個價目牌, 仍然是$21.9, 拎件貨到收銀問, 仍然是$30.x
我應該怎樣做? 是不是我當日錯在大事化小??